السبت 15 دجنبر 2018 - 16:22إتصل بنا |
Aucun texte alternatif disponible.
حرية...كرامة...عدالة اجتماعية
حرية...كرامة...عدالة اجتماعية

بقلم: ذ الوزاني الحسني حكيم ... بتاريخ 01 مارس 2017 ... 17س21

عجيب أمرك أيها المواطن ... تنعل الفساد و تشتكي من تفشي الرشوة و تبكي الحكرة بالإدارات العمومية و الخصوصية، تأسف على خيرات وطن وزعت بعيون عمياء تتلمس الفقير فتقشعر و تصرخ"أنياب annulé" و تتلمس الغني و تصرخ داها و داها و الله ما خلاها ... ها ما يستاهل باك صاحبي ... الكريما و الاملاك و الفيرما و الكراسي و موت بالفقسة يا البوفري ...

تستغيت يا مواطن من غلاء فاتورة الما و الضو و الكرا و التريتات و الكريدي و الخلصة المكعورة و عاد القطيع ... المواطن كيندم على النهار لي وصل فيه للمحكمة بسبب التعطال لدرجة كاين لي مات و ولادو تبعو القضية و باقي كيتسناوا ... و يا ترى يا حبيبي يا ترى ...

و منين تجبد لشي مسؤول حس 20 فبراير...كتشدو البولة مخلطة بالخلعة و التقفقيفة...و تيقول ليك عاش الملك ... تقول عمروه كي المكانة ... أودي الملك راه ماشي مشكيل الملك يحترم و زيدكم الملك بزاف عليه يحارب الفساد و راه قالها بالعلالي ... الفساد غا نوليوا عبيدو الى قبلنا عليه و سكتنا و ضربنا الطم ... الفساد راه كيبدا من تحت الدروج و كيبقى يكبر حتى كيدخل لبيوت النعاس ... و القلوب ... و كيولي عادي ... و من بعد كيولي اجباري و إدمان ... الفساد كيخلعو صوت الشارع و صوت فاضحي الفساد و صرخة المواطن المقهور...المظلوم المحكور لي كيلوحو ليه العظمة المسمومة و يتبرعو فاللحمة المهورة بأموال الشعب تلقاهم كيديرو لاباس و كيتبندرو فالكراسا ديال الشفرة و الكريساج بالعلالي باسم القانون ...

الفساد لي خصكم تقفقفوا و تبورشو منو .... ماشي عشرين فبراير حيت عشرين فبراير هي انت و انا و الشعب لي كيطالب ب ... الحرية و الكرامة و العدالة الاجتماعية .... و عيقو و فيقو ...

التعليقات
جمال الأسفري
05/03/2017
المواطن مغربي.................
0
هل ترغب بالتعليق على الموضوع؟
إحجز اسمكم المستعار سيحفظ لكم شخصيتكم الاعتبارية ويمنع الآخرين من انتحاله في التعليقات